Bisita gidatua!!

"Emakumeak susmopean. Memoria eta sexualitatea 1930-1980"

Erakusketa

Zer? Euskarazko bisita gidatua "Emakumeak susmopean" erakusketa ikusteko.
Noiz? EKAINAren 4an, asteartean, 19.00etan
Non? Montehermoso Kulturunean
Erakusketaren INFO+: hemen

Izena-emateko:

• Bidali mezu bat naroa@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz (izena emateko azken eguna: MAIATZAK 31)

• Gure konfirmazio mezua jasoko duzu.

• Lekuak mugatuak dira, azkar ibili eta idatzi lehenbailehen.

Zatoz antzerkira deskontuarekin!!

"Emaztegaiaren Semea", antzezlana 

%50 deskontuarekin

Noiz? EKAINAren 6an, ostegunean, 20.30ean
Non? PRINCIPAL Antzokian
Sarrera: 3 € (%50 deskontua eginda). Bigarren anfiteatroan.

Antzezlanaren INFO+: hemen

Sarrerak deskontuarekin erosteko:

• Bidali mezu bat zurine@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz. (Izena emateko azken eguna: EKAINAK 3, astelehena)

• Gure konfirmazio mezua jasoko duzu ordainketa egiteko kontu korronte zenbakiarekin

• Pertsona bakoitzak 2 sarrera erosi ditzake gehienez

• Sarrerak emanaldiaren egunean bertan banatuko ditugu 20.15ean NATURA dendaren atearen ondoan (San Prudentzio, 25)

• Sarrera mugatuak dira, azkar ibili eta idatzi lehenbailehen

Gasteizko Alde Zaharra eta Santa Maria katedrala

Ezagutzen dituzue Gasteizko Alde Zaharreko istorioak eta bitxikeriak, edota Santa Maria katedralean egindako azken lanak?? Orain duzue euskaraz bisitatzeko aukera!!

Gasteizko Alde Zaharra eta Santa Maria katedrala

BISITA GIDATUA

Noiz? MAIATZAren 18an, larunbatean, 17.00etan (2 orduko iraupena)
Non? Turismo bulegoan
Prezioa: 6,5 euro

Izena-emateko:

• Bidali mezu bat naroa@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz (izena emateko azken eguna: MAIATZAK 15)

• Gure konfirmazio mezua jasoko duzu ordainketa egiteko

BTT Ibilbide gidatua Arabako Mendialdean

Zer? BTT ibilbide gidatua. Osatzen dugun taldearen arabera eta bakoitzaren gaitasunaren arabera ibilbidea finkatuko da.
Noiz? EKAINAren 8an, larunbata
Non? Antoñanatik hasita, Araba Mendialdeko hainbat txokotatik igaroko gara.
Garraioa: Bakoitza bere kabuz. Hala ere, Gasteiztik kotxetan elkarrekin joaten saiatuko gara.
Prezioa: 25 euro (istripu asegurua eta gida zerbitzua) + 12 euro (bizikletaren alokairua egun osorako). BAKOITZAK BERE BIZIKLETA ERAMAN DEZAKE.
Izena emateko azken eguna: MAIATZAK 24, ostirala

                                            Ibilbide gidatuen informazio gehiago hemen

Izena emateko:

• Bidali mezu bat zurine@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz.

• Bizikleta alokatu behar izango duzun, mendiko bizikletan eskarmentua (handia, ertaina edo txikia) eta kotxea eramateko aukera izango duzun ere zehaztu.

• Gutxienez, osatu beharreko taldea 8 lagunekoa izan behar da. Beraz, taldea atera dela ziurtatzen dugunean (beranduenez, maiatzaren 24an) gure konfirmazio mezua jasoko duzu ordainketa egiteko kontu korronte zenbakiarekin.

Surf Ikastaroa Zarauzko hondartzan

Olatuen gainean ziri-zara ibiltzearen sentsazioa frogatzeko aukera izango dugu aurten ere mintzalagunok. Gauekoak programarekin elkarlanean eta esperientziadun surfisten eskutik, surf hastapenaren tailerra burutuko dugu uztailaren 6an eta 13an kirol hau praktikatzeko toki ezin hobean, Zarauzko hondartzan.

Noiz? UZTAILAren 6an eta 13an, larunbata (08.00-16.00)
Non? Zarauzko hondartzan. Autobusen irteera 08.00etan Europa Gizarte etxetik izango da.
Prezioa: 20 euro

*Baldintza bakarra: 30 urte baino gutxiago izatea (Gauekoak programarekin elkarlanean antolatutako ekintza da)

Izena emateko:

• Bidali mezu bat zurine@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz.
• Gure konfirmazio mezua jasoko duzu ordainketa egiteko kontu korronte zenbakiarekin.
• Lekuak mugatuak dira, azkar ibili eta idatzi lehenbailehen.

Euskal Herriko Mintza Eguna

Aurten ere Euskal Herriko mintzalagunekin batera egun osoko jaia izango dugu laster...
MINTZA EGUNA! Elgoibarko Izarra kultur elkarteak 50 urte bete ditu eta urteurrena mintzalagunekin ospatu nahi izan dute.

Mintza Eguna 2013 

Noiz? EKAINAren 1ean, larunbatean 
Non? Elgoibarren
Gasteiztik irteera: 9.30etan Autobus geltokitik eta buelta 21.00ak inguru (joan-etorria lineako autobusean)

Bazkari-txartelak erosteko:

• Menua (kafea eta kopa barne) + goizeko hamaiketakoa: 20 eurotan
• Zeliako eta barazkijaleentzako menu berezia (aurretik eskatu behar da)
• Txartela eskuratzeko: bidali mezu bat naroa@gasteizkomintzalaguna.com helbidera maiatzaren 20a baino lehen zuen izen-abizenak, helbide elektronikoa eta telefonoa zehaztuz.  Gure konfirmazio-erantzuna jasoko duzu ostean ordainketa egiteko k/k zenbakiarekin.

Pizza errezeta eta argazkiak

Orea egiteko...

• 800 gr. indar ertaineko irin
• 280 gr. ur
• 20 gr. olio
• 3 gr. legami fresko edo 1,5 gr. legami lehor
• 10 gr. gatz

Osagaiak oratu eta 200 gramoko bolak egingo ditugu. Bola horiek plastikozko ontzietan sartu, ondo itxi, hozkailuan sartu eta bertan gorde 24-48 orduz.

Orea egin ostean...

20-30 minutuz giro tenperaturan utziko dugu, bien bitartean, labea 208 gradutan edo gehieneko potentzian berotuko dugu.

Bola hartu eta, irinetan irauli ondoren, eskuekin poliki-poliki zabalduko dugu behin eta berriro, guk nahi dugun diametroa lortu arte.

Gustoko dituzun osagaiak bota eta labera!! ON EGIN!!

Mintzalagunok Artepanen egindako pizza ikastaroko argazkiak ikusteko... hemen

Ardo eta Txakolina dastatzea, 2en saioa

Lehenengo saioaren arrakasta ikusita... Ardo eta Txakolina dastatzea saioa berriro eskaintzea erabaki dugu. Lekua mugatua da, beraz, oraingoan ere... azkar ibili!!

Noiz? MAIATZAren 16an, ostegunean, 20.00etan
Non? ERREXALA elkartean (Aiztogile kalea 62)
Prezioa: 10 euro

Izena emateko:

• Bidali mezu bat zurine@gasteizkomintzalaguna.com helbidera zure izen-abizenak, helbide elektronikoa eta telefonoa zehaztuz.
• Gure konfirmazio mezua jasoko duzu ordainketa egiteko kontu korronte zenbakiarekin.
• Lekuak mugatuak dira, azkar ibili eta idatzi lehenbailehen.

Iritzi artikulua: Mintzalagun programa, txapeldun!

 

Iñaki Martinez de Luna

Itxaropena: Esan dezakegu euskarak baduela etorkizun itxaropentsua Araban, 2012-2013 ikasturtean 636 pertsona Mintzalagun programan parte hartzen ari direla ikusita; horietako 502k Gasteizen dihardute.

Kopurua: Multzo hori garrantzitsua da tamainaz, eta, gainera, urtez urte ari da hazten. Aurrera begira ere, Gasteizko programaren ardura duen GEU elkarteak aurreikuspen baikorra egiten du hurrengo ikasturterako, 700 bat lagunek izena ematea espero du-eta.

Ekimenaren bestelako onurak: Kopuruz inportantzia handia ez ezik, ekimen horrek baditu zifretan kalkulatzerik ez dagoen bestelako onurak ere. Bai trebatu nahi duen lagun horientzat, baita euskararen komunitatearentzat ere.

Adibidez, taldeetara bildu arte elkarrekin ezagutzen ez zuten euskaldunak harremanetan jartzea. Edo, aurretik elkar ezagutu bai, baina ordura arte erdaraz erlazionatzen ziren horiek hortik aurrera euskaraz elkarrekin jardutea. Baliteke ere taldekide batzuk, astez asteko saioen poderioz, programa bukaerarako adiskide bilakatzea; edo, zergatik ez, bikote osatzea. Harreman-osatze eta -trinkotze hori da hizkuntza bat berreskuratzeko bidea. Eta, argi dago, euskaldun zalantzatia gaituago bihurtzearena ere bai...

Jarraitu irakurtzen

 

Ardo eta Txakolina dastatzea, argazkiak

Mikel Garaizabal enologo eta sommelierraren eskutik, "Ardo eta Txakolina dastatzea" saioan parte hartu zuten hogei bat lagunek. Orotara, hiru txakolin eta ardo bi dastatu zituzten eta adituak bereizten ikasteko zenbait gako eman zien...